فلپائن کے جزیرے میں کشتی میں آگ لگنے سے 12 افراد ہلاک ہوگئے۔
غیر ملکی میڈیا کے مطابق کشتی میں 250 مسافر سوار تھے جس نے سفر کے دوران رات گئے فلپائن کے جزیرے میں آگ پکڑلی جس کے نتیجے میں کشتی میں سوار 12 افراد موقع پر ہلاک ہوگئے جب کہ 8 افراد لاپتا ہیں۔
ڈیزاسٹر آفیسر نکسن الونزو نے بتایا کہ لیڈی میری جوائے 3 منڈاناؤ جزیرے کے زمبونگا شہر سے سولو صوبے کے جولو جزیرے کی طرف سفر کر رہی تھی جس میں اچاکنک آگ بھڑک اٹھی مسافروں کو جہاز سے چھلانگ لگانے پر مجبور کیا گیا۔
فلپائنی کوسٹ گارڈ اور ماہی گیروں سمیت امدادی کارکنوں نے 195 مسافروں اور عملے کے 35 افراد کو بچایا گیا۔چودہ افراد زخمی اور سات تاحال لاپتہ ہیں۔
باسیلان کے گورنر جم سلیمان نے کہا کہ مزید لوگ لاپتہ ہو سکتے ہیں کیونکہ جہاز پر مسافروں کی تعداد جہاز کے مینی فیسٹ میں درج 205 سے زیادہ ہے۔
سلیمان نے اے ایف پی کو بتایا، “بارہ میتیں نکال لی گئی ہیں ان میں سے تین بچے ہیں، جن میں ایک چھ ماہ کا بچہ بھی شامل ہے،شاید ایسے مسافر ہیں جنہوں نے مینی فیسٹ میں اندراج نہیں کرایا۔”
سلیمان نے کہا کہ زندہ بچ جانے والوں کو زمبونگا اور باسیلان لے جایا گیا جہاں زخمیوں کو جھلسنے کا علاج کرایا گیا۔
کوسٹ گارڈ کی طرف سے جاری کی گئی تصاویر میں اس کے ایک جہاز کو جلتی ہوئی فیری پر پانی کا چھڑکاؤ کرتے ہوئے دکھایا گیا جب چھوٹی کشتیوں میں سوار اس کے اہلکار تاریک پانیوں سے مسافروں کو نکال رہے تھے۔
فلپائن، 7,000 سے زیادہ جزائر پر مشتمل ایک جزیرے کا خطہ ہے، ناقص سمندری نقل و حمل سے دوچار ہے، اس کی بری طرح سے ریگولیٹ شدہ فیریز زیادہ بھیڑ اور حادثات کا شکار ہیں۔
