بیجنگ: چائنا اکنامک نیٹ کے ایڈمنسٹریشن (سی ایم اے) کے ڈپٹی ایڈمنسٹریٹر چانگ چو چھیانگ نے کہا کہ ہم پاکستان کے ساتھ کلاڈ بیسڈ ارلی وارننگ اسپورٹنگ سسٹم کی تعمیر کو فروغ دینے کے منتظر ہیں۔
ان خیالات کا اظہار چانگ چو چھیانگ نے چائنا اکنامک نیٹ سے گفتگو کرتے ہوئے کہا کہ ہم پاکستان کے ساتھ کلاڈ بیسڈ ارلی وارننگ اسپورٹنگ سسٹم کی تعمیر کو فروغ دینے کے منتظر ہیں، چین اور پاکستان کے محکمہ موسمیات کے افسران اور ماہرین نے 24 مارچ کو بیجنگ میں میٹرولوجیکل، سائنس اور ٹیکنالوجی شعبے میں تعاون کو گہرا کرنے پر بات چیت کی۔
چائنا اکنامک نیٹ کے مطابق ڈائریکٹر جنرل پاکستان میٹرولوجیکل ڈیپارٹمنٹ ( پی ایم ڈی ) اور ورلڈ میٹرولوجیکل آرگنائزیشن (ڈبلیو ایم او ) میں پاکستان کے مستقل نمائندے مہر صاحبزاد خان نے اشارہ کیا کہ پاکستان بین الاقوامی موسمیاتی نظم و نسق میں سی ایم اے کی حمایت جاری رکھے گا،جب پاکستان گزشتہ سال شدید سیلاب کی زد میں آیا تھا تو امداد پر پاکستان سی ایم اے کے تکنیکی اقدامات کے لیے شکر گزار ہے۔
چائنا اکنامک نیٹ کے مطابق مہر صاحبزاد خان اور پاکستانی وفد نے پاکستان میں کلاڈ بیسڈ ارلی وارننگ سپورٹ سسٹم کی پیشرفت کے بارے میں جاننے کے لیے سی ایم اے کے تحت متعلقہ ایجنسیوں کا دورہ بھی کیا اور پاکستان کے لیے حسب ضرورت منصوبوں پر تبادلہ خیال کیا۔
انہوں نے کہا پی ایم ڈی اور سی ایم اے نگرانی، پیشن گوئی، ہائیڈرولوجی اور مواصلات، اور تحقیق اور تربیت میں تعاون کو مضبوط کریں گے۔
چائنا اکنامک نیٹ کے مطابق چین اور پاکستان ڈبلیو ایم او ریجنل ایسوسی ایشن II کے اہم رکن ہیں۔ دونوں ممالک کے درمیان دوطرفہ تعاون ایشیا میں میٹرولوجیکل ڈویلپمنٹ کے لیے انتہائی اہمیت کا حامل ہے۔
