زکوٰۃ، فطرہ اور فدیہ کا نصاب جاری کردیا گیا

793
additional burden

اسلام آباد: حکومت نے رواں برس کے لیے زکوۃ کا نصاب کردیا۔ علاوہ ازیں بینکوں کے سیونگ اکاؤنٹس میں کم از کم ایک لاکھ 3 ہزار روپے رکھنے والوں ہی سے زکوٰۃ کٹوتی کی جائے گی۔

نجی ٹی وی کی رپورٹ کے مطابق وزارت برائے تخفیف غربت و سماجی تحفظ نے سال 2023ء کے لیے زکوٰۃ کا نصاب جاری کردیا اور اس حوالے سے نوٹی فکیشن جاری کردیا گیا ہے، جس کے مطابق سیونگ اکاؤنٹ میں کم از کم ایک لاکھ 3 ہزار روپے رکھنے والے صارفین سے زکٰوة کی کٹوتی ہوگی اس سے کم رقم رکھنے والے افراد زکوۃ کٹوتی سے مستثنا ہوں گے۔

دریں اثنا جامعہ نعیمیہ لاہور نے رمضان المبارک میں صدقہ فطر اور فدیہ صوم کی شرح کا اعلان کردیا۔ جامعہ نعیمیہ کے مطابق گندم استعمال کرنے والوں کو صدقہ فطر 300 روپے فی کس اداکرنا ہوگا جب کہ جو کے حساب سے یہ شرح 450 روپے، کھجورکے تناسب سے 1600 روپے، کشمش کے مطابق 2500 روپے اور منقیٰ کے حساب سے 5 ہزار روپے اداکرنا ہوں گے۔

اسی طرح 30 روزوں کا فدیہ گندم کے تناسب سے 9 ہزار روپے، جو کے حساب سے 13 ہزار500 روپے، کھجورکے مطابق 48 ہزارروپے، کشمش کے حساب سے 75 ہزار جبکہ منقی کے حساب سے ڈیڑھ لاکھ روپے ادا کرنا ہوگا۔