لندن:برطانوی وزیراعظم رشی سونک کے ترجمان نے کہا ہے تیز ترین پائلٹ جو برطانوی لڑاکا طیارہ اڑانا سیکھ سکتا ہے اس کے لیے 35 ماہ کا وقت درکار ہے۔
غیرملکی خبررساں ادارے کے مطابق ایک وضاحت کے دوران انہوں نے روس سے لڑنے کے لیے یوکرین کو لڑاکا طیاروں کی فراہمی سے متعلق عملی مسائل کے بارے میں بتایا۔
ترجمان نے صحافیوں کو بتایا کہ ان کا ملک یوکرینیوں کی باتوں کو سنتا رہے گا اور طویل مدت میں اس کے بارے میں سوچے گا کہ کیا صحیح ہے۔
مزید پڑھیں: تائیوان: جنگی طیاروں کی شاہراہ پر اترنے کی مشق
انہوں نے مزید کہا کہ لیکن اگر یہ صورت حال سمجھنا فائدہ مند ہو تو یہ بات ہے کہ نئے پائلٹ کے لیے تیز ترین تربیتی پروگرام کے لیے بھی تقریبا 35 ماہ درکار ہوں گے۔
انہوں نے کہا کہ موجودہ یوکے فاسٹ ٹریک جیٹ ٹریننگ پروگرام پانچ سال کا ہے۔ طیارے کی پیچیدگی اور پائلٹوں کو تربیت دینے میں لگنے والے وقت کے پیش نظر جنگی طیارے یوکرین بھیجنا فی الحال عملی نہیں تھا۔
وزیر دفاع بین والیس نے بدھ کے روز کہا تھا کہ برطانیہ نے اپنے لڑاکا طیارے یوکرین نہ بھیجنے کا پختہ فیصلہ نہیں کیا ہے تاہم وہ نہیں سمجھتے کہ اس وقت یہ صحیح طریقہ ہے۔
