نیو یارک: امریکا میں 30 سیکنڈ میں زیادہ تعداد میں سویٹر پہن کر گینیز ورلڈ ریکارڈ قائم کر دیاگیا۔
میڈیا ذرائع کے مطابق امریکی نجی ٹی وی چینل کے ٹاک شو کے میزبان کیلی رِیپا اور ریان سی کریسٹ نے حال ہی میں ایک براڈکاسٹ کے دوران 30 سیکنڈوں میں زیادہ سویٹر پہننے کا ریکارڈ بنانے کی کوشش کی (ایک فرد نے سویٹر پہنے اور دوسرے نے پہننے میں مدد کی) لیکن 8 سویٹر پہننے کا گزشتہ ریکارڈ توڑنے میں ناکام رہے۔
ذرائع کا کہنا تھا کہ پروگرام کے اس حصے کے ختم ہونے کے بعد پروڈیوسر جین شیلے اور جِم نیلبر نے ریکارڈ کے لیے کوشش کا فیصلہ کیا۔ سیٹ پر موجود گینیز ورلڈ ریکارڈ کے نمائندے نے اس بات کی تصدیق کی کہ دونوں پروڈیوسروں نے 30 سیکنڈ کے دورانیے میں نو سویٹر پہن کر ریکارڈ اپنے نام کر لیا۔
