لڑکا کمرہ امتحان میں 500 لڑکیاں دیکھ کر بے ہوش ہوگیا

ویب ڈیسک -
423

انسانی زندگی میں کچھ واقعات ایسے آتے ہیں جو دلچسپ موڑ لے لیتے ہیں ایسا ہی ایک واقعہ بھارت کی ریاست بہار کے نالندہ ضلع میں پیش آیا جس میں 12ویں جماعت کے بورڈ کے امتحان میں 17 سالہ طالب علم کمرہ امتحان میں 500 لڑکیاں دیکھ کر گھبراہٹ کے باعث بےہوش ہوگیا۔

میڈیا رپورٹس کے مطابق لڑکے کے اہل خانہ نے انکشاف کیا طالبات کی بڑی تعداد کی وجہ سے شنکر گھبرایا گیا جس کی وجہ سے وہ بے ہوش ہوگیا۔

بھارتی میڈیا رپورٹس کے مطابق شنکر نامی طالب علم جب بارہویں جماعت کا امتحان دینے سینٹر پہنچا تو اسے ایسے کمرے میں بھیجا گیا جہاں وہ ایک ہی لڑکا تھا اور وہاں 500 لڑکیاں تھیں۔

رپورٹس کے مطابق منیش شنکر امتحان کی ٹینشن کے بجائے لڑکیوں کے بیچ ہونے کی ٹینشن لیتا رہا اور پھر بے ہوش ہوگیا جسے بعدازاں اسپتال لے جایا گیا۔

اطلاع کے مطابق اسکول انتظامیہ نے شنکر  کو کمرہ امتحان  سے فوری طور پر قریبی اسپتال لے گئی جہاں اس کا مکمل طور پر  علاج کیا گیا۔

منیش شنکر کی آنٹی نے بھارتی میڈیا سے گفتگو کے دوران تصدیق کی کہ شنکر کو جب احساس ہوا کہ وہ 500 لڑکیوں میں اکیلا لڑکا ہے تو وہ گھبراہٹ کا شکار ہوا اور پھر زمین پر گر پڑا۔

خاتون نے مزید بتایا کہ وہ بخار میں مبتلا ہے اور اسپتال میں زیر علاج ہے،خاتون نے انکشاف کیا کہ بے ہوشی سے گرنے کے باعث منیش کا ہاتھ بھی فریکچر ہوگیا ہے۔

مزید خبریں