کوہاٹ: انڈس ہائی وے پر حادثہ، خواتین و بچوں سمیت 17 افراد جاں بحق

806

کوہاٹ: انڈس ہائی وے پر ٹنل کے قریب وین اور ٹریلر میں ٹکر کے نتیجے میں 3 خواتین اور 2 بچوں سمیت 17 افراد جاں بحق ہو گئے۔

ریسکیو ذرائع کے مطابق حادثے کی اطلاع ملتے ہی امدادی ٹیموں نے موقع پر پہنچ کر کارروائیاں شروع کردیں۔ حادثے میں 17 افراد جاں بحق اور متعدد زخمی ہو گئے ہیں۔

اسپتال ذرائع کے مطابق جاں بحق افراد میں 3 خواتین اور 2 بچے بھی شامل ہیں۔