اسلام آباد:پٹرول اور ڈیزل کے بعد ایل پی جی کی قیمت میں بھی 59 روپے 60 پیسے فی کلو گرام کا بڑا اضافہ کر دیا گیا۔
اوگرا کی جانب سے ایل پی جی کی قیمتوں میں اضافے کا نوٹیفکیشن جاری کر دیا گیا، 11.8 کلوگرام کا گھریلو سلنڈر 703 روپے 24 پیسے مہنگا ہو گیا، ایل پی جی کی نئی قیمت 263 روپے 95 پیسے فی کلو جبکہ 11.8 کلو گرام گھریلو سلنڈر کی قیمت 3 ہزار 114 روپے مقرر کر دی گئی۔
واضح رہے وفاقی حکومت کے جانب سے 2 روز قبل ہی پٹرول اور ڈیزل کی قیمت میں 35، 35 روپے کا اضافہ کیا گیا تھا جس کے بعد پٹرول فی لٹر 250 روپے ہونے کی وجہ سے ٹرانسپورٹرز نے کرایوں میں اضافہ کر دیا تھا، ایل پی جی کی قیمت میں اضافہ سے بھی عام آدمی شدید متاثر ہو گا۔
ایل پی جی کے گھریلو سلنڈرکی قیمت میں اضافے کا اطلاق یکم فروی سے ہوگا۔
