نیوزی لینڈ میں طوفانی بارشیں ، 3افراد ہلاک ،ایک لاپتا

آکلینڈ :نیوزی لینڈ میں طوفانی بارشوں کے باعث 3افراد ہلاک اور ایک لاپتا ہو گیا ۔

غیر ملکی خبر رساں ادارے کے مطابق نیوزی لینڈ کے شہر آکلینڈ میں شدید بارشوں سے سیلابی صورتحال پیدا ہو گئی ، جہاں پر 24گھنٹوں میں ریکارڈ 249ملی میٹر بارش ہوئی ۔محکمہ موسمیات نے کہا کہ آکلینڈ میں 5روز تک مزید بارشوں کا امکان ہے، شہر میں ایمرجنسی صورتحال نافذ کر دی گئی ۔

میڈیا رپورٹس کے مطابق آکلینڈ میں ڈومیسٹک اور انٹرنیشنل پروازیں(آج) اتوار تک کے لئے گرائونڈ کردی گئیں، سیلابی پانی میں گھرے افراد کی مدد کے لئے ریسکیو آپریشن جاری ہے۔