ہارون رشید کو پی سی بی کا چیف سلیکٹر بنادیاگیا

424
Chief Selector

لاہور: پی سی بی کے چیئرمین نجم سیٹھی نے کہا ہے کہ ہارون رشید کو چیف سلیکٹر بنادیا ہے۔

نجم سیٹھی کا کہنا تھاکہ آئین کے تحت سلیکٹر، کپتان ونائب کپتان کی تعینانی میرا اخیتارہے اسے استعمال کرتے ہوئے ہارون رشید کو پی سی بی کا چیف سلیکٹر تعینات کیا گیا ہے۔

ان کا کہنا تھاکہ سلیکشن کمیٹی کے بقیہ ممبران کی تعیناتی بعد میں کی جائے گی۔ اگرچہ ابھی ہمارے پاس ٹائم تھا لیکن اس معاملے پر بہت زیادہ خیال آرائی ہو رہی تھی جسے روکنے کے لیے ہارون رشید کا اعلان کیا گیا ہے۔ یہ بات انہوں نے ایک پریس کانفرنس سے خطاب کرتے ہوئے کہی۔

پی سی بی چیئرمین کا کہنا تھا کہ ایشین کرکٹ کونسل کا اجلاس طویل عرصے سے تعطل کا شکار تھا جس کی وجہ سے ہمارے کئی معاملات تاخیر کا شکار تھے۔ اب چار فروری کو بحرین میں یہ اجلاس ہو گا جس میں پی سی بی بھی شریک ہو گا۔

بابر اعظم کی کپتانی خصوصا تینوں فارمیٹس کے لیے کپتان برقرار رہنے کے سوال پر تبصرہ کرتے ہوئے ان کا کہنا تھا کہ بابر ہمارے بہترین کھلاڑی ہیں ہم ہر لحاظ سے ان کی عزت کرتے ہیں۔ میں نہیں سمجھتا کہ انہیں کسی قسم کا کوئی خطرہ ہے۔ ہماری خواہش ہے کہ وہ بھرپور طریقے سے کھیلیں ہماری سپورٹ ان کے ساتھ ہے۔