بنوں میں فورسز کا آپریشن، اہلکار شہید، 4 دہشتگرد ہلاک

815

راولپنڈی: ضلع بنوں کے علاقے جانی خیل میں سیکورٹی فورسز اور دہشت گردوں کے درمیان فائرنگ سے اہلکار شہید اور 4دہشتگرد ہلاک ہوگئے۔ 

پاک فوج کے شعبہ تعلقات عامہ (آئی ایس پی آر) کے مطابق شدید فائرنگ کے تبادلے میں 4 دہشت گرد مارے گئے اور ہلاک دہشت گردوں سے اسلحہ اور گولہ بارود بھی برآمد ہوا ہے۔

آئی ایس پی آر کے مطابق دہشت گردوں کی فائرنگ سے 25 سالہ سپاہی محمد وسیم بہادری سے مقابلہ کرتے ہوئے شہید ہوگیا۔

مارے گئے دہشت گرد  معصوم شہریوں کے قتل اور سیکورٹی فورسز کے خلاف دہشت گردی کی کارروائیوں میں ملوث تھے۔ علاقے میں موجود دہشت گردوں کو ختم کرنے کے لیے علاقے میں کلیئرنس آپریشن جاری ہے۔