سیلاب کی تباہ کاریاں: چین، برطانیہ، امریکا کی پاکستان کو ہرممکن مدد کی یقین دہانی

402

اسلام آباد: پاکستان میں سیلاب سے ہونے والی تباہ کاریاں اس کے بعد بحالی و تعمیر نو کی سرگرمیاں اور اس سلسلے میں درپیش مسائل سے نمٹنے کے لیے چین، برطانیہ اور امریکا نے پاکستان کو اپنی ہرممکن مدد کا یقین دلایا ہے۔

نجی ٹی وی کی رپورٹ کے مطابق تینوں ممالک کے سفرا نے وزیر خزانہ سے الگ الگ ملاقات کی۔ جس میں اسحاق ڈار نے انہیں پاکستان میں سیلاب کے بعد کی صورت حال، نقصانات، بحالی و آباد کاری سے متعلق کاموں پر اعتماد میں لیا۔

ملاقاتوں میں اس بات پر اتفاق ہوا کہ سیلاب متاثرین کی بحالی اور آباد کاری میں کئی برس لگ سکتے ہیں، پاکستان کی جانب سے تینوں اہم ملکوں کے سفیروں سے اس مشکل وقت میں مدد کی اپیل کی گئی تھی جس پر امریکا برطانیہ اور چین نے پاکستان کو ہر ممکن مدد کا یقین دلایا ہے۔