چین میں تعمیراتی سائٹ پر آتشزدگی سے 5افراد ہلاک، 2زخمی

نانجنگ:چین کے مشرقی صوبہ جیانگسو کے شہر شوژو میں ایک تعمیراتی مقام پر لگنے والی آگ سے 5افراد ہلاک اور 2 دیگر زخمی ہو گئے ہیں۔

مقامی حکام نے ہفتہ کے روز بتایا کہ آگ گزشتہ شام تقریبا 4بجکر 50منٹ پر لگی اور تقریبا ساڑھے 5گھنٹے بعد اس پر قابو پایا لیا گیا۔

امدادی کوششوں کے بعد جائے حادثہ پر پھنسے تمام 7افراد کو نکال کر ہسپتال پہنچایا گیا۔ جن میں سے 5 ہنگامی علاج کے باوجود دم توڑ گئے جبکہ دیگر افراد معمولی زخمی ہوئے ہیں۔شوژو کی میونسپل حکومت نے حادثے کی تحقیقات کیلئے ایک ٹیم تشکیل دیدی ہے۔