شہبازشریف کا ہتک عزت کیس ، عمران خان کا حق دفاع ختم

105

لاہور: سیشن کورٹ نے تحریک انصاف کے چیئرمین عمران خان ہرجانہ کیس میں چیئرمین عمران خان کا حق دفاع ختم کردیا۔

عدالت میں وزیراعظم شہبازشریف کے عمران خان کیخلاف ہتک عزت کیس کی سماعت ہوئی، عدالت کی جانب سے عمران خان کے وکلا کی جانب سے سوالات کے جوابات جمع نہ کرانے پر حق دفاع ختم کردیا گیا۔

عدالت نے ہتک عزت کیس میں عمران خان کے وکلا سے شہبازشریف کے سوالات پر جواب طلب کر رکھا تھا۔ایڈیشنل سیشن جج محمد آصف نے کیس پر سماعت کی۔ عدالت میں شہبازشریف کے وکیل سعد صبغت اللہ کی جانب سے دلائل پیش کیے گئے۔

عدالت نے مزید سماعت 29 نومبر تک ملتوی کر دی۔ وزیراعظم شہبازشریف نے عمران خان کے خلاف 10 ارب روپے ہرجانے کا دعوی دائر کر رکھا ہے ۔