کیلیفورنیا: دنیا کے امیر ترین شخص ایلون مسک نے ٹوئٹر کے معطل اکاونٹس کی بحالی کا اعلان کر دیا۔
سماجی رابطوں کی ویب سائٹ ٹوئٹر پر ایلون مسک نے لکھا کہ رائے شماری کے بعد ٹوئٹر کے معطل کچھ اکاونٹس آئندہ ہفتے سے بحال کر دیئے جائیں گے۔
ایلون مسک کی جانب سے ٹوئٹر پر کرائی گئی رائے شماری میں 31 لاکھ سے زائد افراد نے حصہ لیا۔ جن میں سے 72.4 فیصد افراد نے معطل اکاونٹس کی بحالی کے حق میں ووٹ دیا۔
Should Twitter offer a general amnesty to suspended accounts, provided that they have not broken the law or engaged in egregious spam?
— Elon Musk (@elonmusk) November 23, 2022
اپنی ایک اور ٹوئٹ میں ایلون مسک معروف کہاوت زبانِ خلق کو نقارہ خدا سمجھوبھی لکھی۔ واضح رہے کہ گزشتہ ہفتے ایلون مسک نے سابق امریکی صدر ڈونلڈ ٹرمپ اور کامیڈین کیتھی گرفن کے اکاونٹس بحال کئے تھے۔
