افغان مہاجرین پاکستان اورایران میں مظاہروں میں شریک نہ ہوں، طالبان

179

کابل:افغان حکومت نے پاکستان اور ایران میں افغان مہاجرین کو احتجاجی مظاہروں میں شرکت نہ کرنے کی ہدایت کردی۔

افغان میڈیا کے مطابق افغان وزارت برائے مہاجرین کی جانب سے جاری بیان میں کہا گیا ہے کہ احتجاجی مظاہرے پاکستان اور ایران کا اندرونی معاملہ ہیں۔بیان میں مزید کہا گیا ہے کہ پاکستان اورایران میں رہنے والے افغان مہاجرین مظاہروں میں شریک نہ ہوں۔

بیان میں کہا گیا ہے کہ افغان مہاجرین کو مظاہرین کا ساتھ نہیں دینا چاہیے۔ مقامی لوگوں کے احتجاج میں شرکت کرکے افغان مہاجرین اپنے لیے مشکلات نہ بڑھائیں۔

واضح رہے کہ ایران میں گزشتہ 3 ماہ سے حکومت مخالف مظاہرے جاری ہیں۔مظاہرے مہسا امینی کی پولیس کی حراست میں موت کے بعد شروع ہوئے تھے۔