فیفا ورلڈ کپ کی بہترین میزبانی پر قطر کو سراہا جانا چاہیے، وزیراعظم

176

اسلام آباد: وزیراعظم شہباز شریف نے کہاہے کہ فیفا ورلڈکپ کے شاندار انتظامات اور عالمی امن و ترقی کے فروغ کے لیے قطرکو سراہا جانا چاہیے۔

سماجی رابطوں کی ویب سائٹ ٹوئٹر پر ایک بیان میں وزیراعظم شہباز شریف کا کہنا ہے کہ بدقسمتی سے قطرکو فیفا ورلڈکپ کی میزبانی پر پروپیگنڈےکا نشانہ بنایا جا رہا ہے، اس کے بجائے میگا ایونٹ کے شاندار انتظامات اور عالمی امن و ترقی کے فروغ کے لیے قطرکو سراہا جانا چاہیے۔

وزیراعظم شہباز شریف کا کہنا ہے کہ پاکستان امیر قطر اور قطرکے عوام کے ساتھ یکجہتی کے لیے کھڑا ہے۔