نواز شریف کی اٹلی کے ریستوران میں تصویر وائرل

154

روم: سابق وزیراعظم نواز شریف کی اٹلی میں سیر و تفریح کی تصویر سامنے آگئی۔

نجی ٹی وی کے مطابق مسلم لیگ (ن) کے قائد نواز شریف کی اٹلی کے شہر میلانو کے ریسٹورنٹ میں فیملی کے ہمراہ تصویر وائرل ہوگئی۔ ان کے بیٹے حسین نواز بھی ان کے ہمراہ ہیں۔

نواز شریف ریسٹورنٹ میں بیٹھے ہیں اور انہوں نے ہیٹ پہنا ہوا ہے۔نواز شریف اور مریم نواز سمیت شریف خاندان کے دیگر افراد 10 روز کے لیے یورپ ٹور کر رہے ہیں۔ حسین نواز، حسن نواز اور جنید صفدر بھی ان کے ہمراہ ہیں۔

یاد رہے کہ گزشتہ ہفتے ہی حکومت نے نواز شریف کو آئندہ پانچ سال کیلیے سفارتی پاسپورٹ جاری کیا ہے۔

دوسری جانب نواز شریف کی تصویر پر فواد چودھری کا ردعمل بھی آگیا ۔ انہوں نے ٹوئٹ کرتے ہوئے کہا کہ نواز شریف کی اٹلی سے تصویریں ہمارے عدالتی نظام کی بے بسی اور بے وقعت ہونے کا اظہار ہیں،ایک سزا یافتہ شخص جس کا ضمانتی ہمارے سسٹم نے وزیر اعظم بنا دیا پورے نظام کا منہ چڑا رہا ہے۔

رہنما پی ٹی آئی نے مزید کہا کہ اس جرم میں شریک لوگ پاکستان کا سب سے طاقتور مافیا ہیں اس مافیا کی شکست سے ہی پاکستان کا مستقبل ہے۔