آصف زرداری اور چودھری شجاعت کے درمیان اہم ملاقات

149
meets Chaudhary Shujaat

اسلام آباد: سابق صدر آصف علی زرداری اور پاکستان مسلم لیگ ق کے سربراہ چودھری شجاعت حسین کے درمیان اہم ملاقات ہوئی ہے،جس میں موجودہ سیاسی صورتحال اور دیگر امور پر تفصیلی گفتگو کی گئی۔

وفاقی دارالحکومت میں پاکستان مسلم لیگ ق کے صدر اور سابق وزیراعظم چودھری شجاعت حسین سے سابق صدر آصف علی زرداری نے اہم ملاقات کی۔ اس دوران وفاقی وزیر چودھری سالک حسین بھی موجود تھے۔ ملاقات کے دوران آصف علی زرداری نے شجاعت حسین کی خیریت دریافت کی جبکہ ملاقات میں موجودہ سیاسی صورتحال اور دیگر امور پر تفصیلی گفتگو کی گئی۔

خیال رہے کہ یہ ملاقات ایسے وقت میں ہو رہی ہے جب آرمی چیف کی تعیناتی کے لیے وزارت دفاع کی جانب سے سمری وزیراعظم ہاؤس کو ارسال کر دی گئی اور حکومتی ارکان کہہ رہے ہیں کہ نئے آرمی چیف کی تعیناتی رواں ہفتے کے دوران کر دی جائے گی۔