کراچی کے علاقے ڈیفنس میں پولیس اہلکار عبدالرحمٰن کے قتل میں ملوث ملزم خرم نثار سابق ڈپٹی کمشنر کا بیٹا ہے۔
انہوں نے بتایا ہے کہ جاں بحق اہلکار کے ساتھ موجود دوسرے پولیس اہلکار کا بیان ریکارڈ کیا گیا ہے جس نے بتایا ہے کہ اہلکاروں نے ملزم کو بوٹ بیسن کے علاقے میں لڑکی کو زبردستی گاڑی میں بٹھاتے دیکھا، یہ دیکھنے پر پولیس اہلکار ملزم کو روکنے پہنچے تو لڑکی بھاگ گئی۔
ڈی آئی جی ساؤتھ عرفان علی بلوچ کے مطابق ملزم خرم نثار کا آبائی گھر ڈیفنس فیز 5 میں جائے وقوع کے قریب واقع ہے، پولیس نے ملزم خرم نثار کے گھر چھاپہ مار کر اسلحہ و دستاویزات برآمد کر لیں اور چوکیدار کو حراست میں لے لیا ہے۔
ڈی آئی جی ساؤتھ کے مطابق ملزم جس گاڑی میں فرار ہوا، اس کی تلاش جاری ہے، ملزم کے دوستوں کے گھروں پر بھی چھاپے مارے جا رہے ہیں، ایئر پورٹس پر بھی ملزم کی تصاویر اور سفری دستاویزات کی تفصیلات فراہم کر دی گئی ہیں۔
انہوں نے بتایا ہے کہ واردات کے بعد ملزم قریب ہی واقع اپنےگھر گیا اور گاڑی تبدیل کی، اہلکار کے بیان کے بعد مزید تفتیش کی جا رہی ہے، ملزم واردات میں استعمال ہونے والی گاڑی اپنے گھر چھوڑ کر فرار ہو گیا۔
