سربراہ پاک فضائیہ کی بحرین ائرشو میں شرکت، جے ایف 17 توجہ کا مرکز رہا

462

اسلام آباد: سربراہ پاک فضائیہ کی بحرین ائرشو کی افتتاحی تقریب میں شرکت، ائرشو میں جے ایف 17 لڑاکا طیارہ شائقین کی توجہ کا مرکز بنا رہا۔

ترجمان پاک فضائیہ کا کہنا ہے کہ ائرشو میں مختلف ممالک کے وفود اور اعلیٰ فوجی حکام کی بڑی تعداد موجود تھی۔تقریب میں دیگر طیاروں اور دفاعی آلات کے ساتھ ملکی سطح پر تیار کردہ جے ایف17 لڑاکا طیارہ شائقین کی توجہ کا مرکز بنا رہا۔

جے ایف17 طیارے نے ایروبیٹکس کا مظاہرہ بھی پیش کیا۔سربراہ پاک فضائیہ نے ائرشو میں پاک فضائیہ کے اہلکاروں کی کارکردگی کو سراہا۔ ائرچیف مارشل ظہیر احمد بابر سدھو نے کہا کہ ائرشو میں پاک فضائیہ کے طیاروں کی شرکت قوم کے لیے باعث فخر ہے۔