عمران خان 7 حلقوں پر منتخب ہونے والے ملک پہلے سیاستدان بن گئے

196

اسلام آباد: این اے 45 کرم پر کامیابی کے بعد سابق وزیراعظم عمران خان 7 حلقوں پر منتخب ہونے والے ملک پہلے سیاستدان بن گئے ہیں۔

گزشتہ 15دنوں کے دوران قومی اسمبلی کے 8 حلقوں پر ہونے والے انتخابات میں مجموعی طور پر عمران خان نے 4 لاکھ 96 ہزار 308 ووٹ حاصل کرنے کے علاوہ مجموعی طور پر 83 امیدواروں میں سے 63 امیدواروں کی ضمانتیں بھی ضبط کرادی ہیں۔

16 اکتوبر سے 30 اکتوبر تک 15 دنوں میں قومی اسمبلی کے 8 حلقوں میں ضمنی انتخاب ہوے ہیں جن میں سے 7 حلقوں میں کامیابی حاصل کر کے سابق وزیراعظم عمران خان ملک میں 7 حلقوں میں منتخب ہونے والے پہلے سیاستدان بن گئے ہیں اور سابق وزیراعظم عمران خان نے 15 دنوں میں ان حلقوں میں مجموعی طور پر 4 لاکھ 96 ہزار 308 ووٹ لیے ہیں جن میں 30 اکتوبر کو این اے 45 کرم میں ہونے والے انتخاب میں عمران خان 20 ہزار 748 ووٹ لے کر کامیابی حاصل کی ہے۔

اس سے پہلے 16 اکتوبر کو ہونے والے انتخاب میں عمران خان 7 حلقوں میں مقابلے کے لئے میدان میں اترے تھے جن میں این اے 22 مردان میں 76 ہزار681 ، این اے 24 چارسدہ میں 78 ہزار 589 ، این اے 31 پشاور میں 57 ہزار 824 ، این اے 108 فیصل آباد میں 99 ہزار 841 ،این اے 118 ننکانہ صاحب میں 90 ہزار118 ،این اے 239 کورنگی میں سابق وزیراعظم عمران خان نے 50 ہزار 14 ووٹ لے کر کامیاب ہوچکے ہیں جب کہ عمران خان نے این اے 237 ملیر میں 22 ہزار493 ووٹ لے کر ہارے ہیں۔ اس طرح سابق وزیراعظم عمران خان 15 دنوں میں مجموعی طور پر 4 لاکھ 96 ہزار308 ووٹ لے چکے ہیں ۔