کینیڈا: دیوالی تقریبات میں خالصتان کا پرچم لہرانے والے سیکڑوں بھارتی تارکین لڑ پڑے

311

اوٹاوا: کینیڈا میں ہندوؤں کے تہوار دیوالی کی تقریبات میں بھارتی اور خالصتان کا پرچم لہرانے والے سیکڑوں تارکین وطن آپس میں لڑ پڑے، جس میں کچھ افراد کے و زخمی ہونے کی اطلاعات بھی ہیں۔

یہ بھی پڑھیں: کینیڈا، برطانیہ، اٹلی، سوئٹزرلینڈ میں خالصتان ریفرنڈم

عالمی میڈیا رپورٹس کے مطابق کینیڈا کے شہر مسی ساگا میں دیوالی کی تقریبات کے دوران تقریبا 500 بھارتی تارکین وطن شریک تھے، جن میں سے کچھ اس وقت باہم گتھم گتھا ہو گئے جب دیوالی منانے والے ایک گروہ نے بھارتی پرچم اٹھار کھے تھے جب کہ اس موقع پر موجود بھارتی سکھوں نے خالصتان کے پرچم بھی لہرائے۔

سماجی رابطوں کی ویب سائٹس پر جاری ویڈیوز میں دیکھا جا سکتا ہے کہ پولیس اہل کار خالصتان اور بھارتی پرچم اٹھائے ہوئے مشتعل افراد کو جھگڑنے سے روکنے کی کوشش کررہے ہیں۔

یہ بھی پڑھیں: خالصتان ریفرنڈم؛ بھارت سے آزادی کے بعد شملہ کو دارالحکومت بنانے کا اعلان

اس موقع پر موجود بھارتی تارکین وطن نعرے بازی بھی کرتے رہے،مقامی پولیس نے وضاحتی بیان میں کہا کہ ہجوم کئی سو افراد پر مشتمل تھا، تاہم جھگڑنے والے چند لوگ تھے، جن میں سے ایک شخص زخمی ہوا، جسے طبی امداد فراہم کی گئی۔