روپے کی قدر میں بہتری، پٹرولیم نرخوں میں 15 روپے لیٹر تک کمی کا تخمینہ

اسلام آباد: روپےکی قدرمیں بہتری کے اثرات کے پیش نظر 16 اکتوبر سے پٹرولیم مصنوعات کی قیمتوں میں کمی کا تخمینہ لگایا گیا ہے۔

نجی ٹی وی کے مطابق انڈسٹری ذرائع کا کہنا ہے کہ پیٹرول کی قیمت میں 10 سے 15 روپے فی لیٹر کمی کا تخمینہ لگایا گیا ہے جبکہ ڈیزل کی قیمت میں 2 روپے فی لیٹر کمی کا امکان ہے۔

ذرائع کا بتانا ہے کہ آئی ایم ایف کی پیٹرولیم سبسڈی پر تحفظات کے بعد قیمتوں میں کمی مؤخر ہو سکتی ہے اور قیمتوں کی کمی پی ڈی ایل کی مد میں استعمال ہو سکتی ہے۔