پنجاب؛ وزیر داخلہ ہاشم ڈوگر نے عہدے سے استعفا دے دیا

لاہور: وزیر داخلہ پنجاب ہاشم ڈوگر نے وزارت کے عہدے سے استعفا دے دیا ہے۔

خبر رساں اداروں کے مطابق صوبائی وزیر داخلہ نے اپنا استعفا وزیر اعلیٰ پنجاب چودھری پرویز الٰہی کو پیش کردیا، جس میں انہوں نے وجہ بیان کرتے ہوئے کہا ہے کہ میں بطور وزیر داخلہ پنجاب مزید کام جاری نہیں رکھنا چاہتا۔

انہوں نے کہا کہ چند ذاتی ناگزیر وجوہات کی بنا پر عہدے سے استعفا دے رہا ہوں۔ انہوں نے ٹوئٹر بیان میں کہا کہ میں پاکستان تحریک انصاف کے کارکن کے طور پر کام کرتا رہوں گا۔