ڈیڈ لائن ختم، اساتذہ کا دھرنے کا اعلان، کے پی کے میں15 ہزار اسکول بند

355
Deadline ends

پشاور: ڈیڈ لائن ختم، خیبر پختونخوا میں ٹیچرز ایسوسی ایشن کا دھرنے کا اعلان، 15 ہزار پرائمری اسکول بند کر دئیے گئے۔

رپورٹ کے مطابق اپ گریڈیشن اوردیگر مطالبات کی منظوری کےلیے 5 اکتوبر تک بات چیت کا عندیہ دیا گیا تھا، ٹیچرز ایسوسی ایشن کے مطابق حکومت کی جانب سے کوئی جواب نہ ملنے پر احتجاج کی کال دی گئی ہے۔

صدر ٹیچرز ایسوسی ایشن عزیزاللہ کا کہناتھا کہ مطالبات منظور ہونے تک دھرنا دینگے۔ صوبائی صدر عزیزاللہ کا کہنا تھا کہ گذشتہ چار برسوں سے سکیل اپگریڈیشن کا مسئلہ چل رہا ہے اس سلسلے میں محکمہ تعلیم اور وزرا سے کئی بار ملاقاتیں ہوئی ہیں مگر کوئی نتیجہ نہیں نکلا۔پرائمری ٹیچر سکیل 12 پر بھرتی کیا جاتا ہے جبکہ مڈل اور ہائی سکول کے لیے گریڈ 15 یا 16 پر بھرتی کیا جاتا ہے۔ان تمام بھرتیوں کے لیے تعلیم کی شرط ایک جیسی ہے تو پھر پرائمری اسکول کے استاد کا گریڈ کیوں کم ہے؟

دوسری جانب انتظامیہ کی جانب سے مظاہرین سے نمٹنے کےلیے تیاری مکمل ہے، ہنگامی حالات کے پیش نظر اسمبلی چوک میں اضافی نفری تعینات کر دی گئی ہے۔