کراچی میں اسٹریٹ کرائم میں کمی لانے کیلئے پولیس کی حکمت عملی تیار

403
کراچی میں اسٹریٹ کرائم میں کمی لانے کیلئے پولیس کی حکمت عملی تیار

کراچی : اسٹریٹ کرائم میں کمی لانے کیلئے پولیس کو رات 8 سے 11 بجے تک شہر میں اسنیپ چیکنگ کی ہدایات جاری کردی گئیں۔

تفصیلات کے مطابق کراچی میں اسٹریٹ کرائم میں کمی لانے کیلئے پولیس نے حکمت عملی تیار کرلی ہے۔

پولیس کو رات 8 سے 11 بجے تک شہر میں اسنیپ چیکنگ کی ہدایات جاری کردی گئیں ہیں ، حکام کا کہنا ہے کہ اسنیپ چیکنگ کیدوران اہلکارمشکوک افرادکوروک کر تلاشی لیں گے۔

پولیس حکام نے کہا ہے کہ اسنیپ چیکنگ سے جرائم پیشہ افرادکی نقل و حرکت مشکل ہوگی۔گذشتہ روزاسپیشل برانچ پولیس نے کراچی میں شہریوں کی جان ومال سے کھیلنے والے ڈاکوں کی فہرست تیار کی تھی اور کس اضلاع میں کون سے ڈاکوسرگرم ہے ، اس حوالے سے رپورٹ پولیس کو ارسال کردی تھی۔

فہرست میں شہر میں 422 ڈاکوں کی وارداتوں میں ملوث ہونیکی نشاندہی کی گئی ہے۔رپورٹ میں بتایا گیا تھا کہ کراچی کے 2اضلاع شرقی اوروسطی میں وارداتیں عروج پر ہیں ۔

رپورٹ میں ضلع جنوبی کے پوش علاقوں کے ہاٹ اسپاٹس بھی موجود ہے۔اسپیشل برانچ کا کہنا تھا کہ ضلع جنوبی کے 33مقامات پرزیادہ وارداتیں ہوئی ، نیپا چورنگی، سفاری پارک، کلفٹن اور کینٹ اسٹیشن ہاٹ اسپاٹس ہیں۔