قومی مجرم سے اہم معاملات پرمشاورت آفیشل سیکرٹ ایکٹ کی خلاف ورزی ہے،عمر سرفراز

لاہورمشیر اطلاعات پنجاب عمر سرفراز چیمہ نے کہا ہے کہ شہباز نے نواز شریف سے اہم قومی معاملات پر مشاورت کر کے آفیشل سیکرٹ ایکٹ کی خلاف ورزی کی ہے ۔

اپنے بیان میں عمر سرفراز چیمہ نے کہا کہ تین وفاقی وزرا اس بات کی تصدیق کر چکے ہیں کہ نواز شریف سے مشاورت کی گئی ، اہم قومی معاملات پر ایک بھگوڑے قومی مجرم سے بات چیت آفیشل سیکرٹ ایکٹ کی واضح خلاف ورزی ہے،شہباز شریف کو گرفتار کر کے فوری قانونی کارروائی کی ضرورت ہے۔

انہوں نے کہا کہ انصاف و قانون کے دوہرے معیار کی وجہ سے بڑے ڈاکو اقتدار میں اور چھوٹے جیلوں میں پڑے ہیں۔