امپورٹڈ کو یہ نہیں سمجھ آرہا کہ انہیں کیوں کرسی پر بٹھا دیا گیا، اسد عمر

235
not understand

کراچی: سابق وفاقی وزیر اور پاکستان تحریک انصاف کے رہنما اسد عمر نے کہا ہے کہ پاکستان اس وقت انتہائی خطرناک صورتحال پر پہنچ گیا ہے۔ اورامپورٹڈ وزیر اعظم کو یہ نہیں سمجھ آرہا کہ انہیں کیوں کرسی پر بٹھا دیا گیا۔

اسد عمرکا سندھ ہائی کورٹ میں میڈیا سے گفتگو کرتے ہوئے کہنا تھا کہ آج میری سندھ ہائی کورٹ میں توہین الیکشن کمیشن کیس میں پیشی تھی جو عمران خان، فواد چودھری اور مجھ پر کیا گیا تھا۔ آج کل الیکشن کمیشن کے فیصلے قانون کی بندش میں نہیں ہوتے۔

ان کا کہنا تھا کہ پاکستان اس وقت انتہائی خطرناک صورتحال پر پہنچ گیا ہے اور امپورٹڈ وزیر اعظم کو یہ نہیں سمجھ آرہا کہ انہیں کیوں کرسی پر بٹھا دیا گیا۔ حکمران مہنگائی کو کم کرنے کے لیے آئے تھے لیکن یہ مہنگائی کی شرح کو 45 فیصد پر لے گئے۔