حقیقی آزادی کی تحریک کا فائنل راونڈ شروع ہوچکا ہے، مراد سعید

148

 تحریک انصاف کے سینئر رہنما مراد سعید نے کہا ہے کہ حقیقی آزادی کی تحریک کا فائنل راونڈ شروع ہوچکا ہے۔ 

ایک بیان میں مراد سعید کا کہنا تھا کہ حقیقی آزادی کی تحریک کا فائنل راوئنڈ شروع ہوچکا ہے، بہت جلد آپ بڑی اور اچھی خبریں سنیں گے۔ 

مراد سعید نے کہا کہ عمران خان کمرشل فلائٹ میں جاتے تھے یہ خصوصی طیارے میں لشکر سمیت جاتے ہیں ، جن ہوٹلوں میں قیام کر رہے ہیں ان کا ایک دن کا خرچہ لاکھوں میں ہے۔

 انہوں نے کہا کہ  ڈونلڈ لو کے سامنے ان کے سر جھکے ہوئے ہیں ان کے آگے بیٹھے ہوئے ہیں، یہ ڈونلڈ لو کا سازش کا شکریہ ادا کررہے ہیں۔ 

مراد سعید نے کہا کہ سندھ کے لوگ تباہ ہوگئے ہیں کھلے آسمان کے نیچے ہیں جبکہ بلاول زرداری جو وزیر زیرو تفریح لگا ہوا ہے وہ سب آقاں کو خوش کر رہے ہیں۔

 انہوں نے کہا کہ مِلک میں مہنگائی ہے کسانوں کی کوریج ہر پابندی لگا دی اور جب بول نے آواز اٹھائی تو بول نیوز کو بند کردو صحافیوں کو چپ کروا دو بس ان کا یہ کام ہے۔  

مراد سعید کا کہنا تھا کہ امریکہ میں مقیم پاکستانی مظاہرہ کررہے ہیں یہ  ان کے ساتھ زیادتی ہے، ان کو فارن ایجنٹ بنا دیا ووٹ کا حق چھین لیا ۔

 انہوں نے مزید کہا کہ اوور سیز پاکستانی اپنی حقیقی آزادی کے لئے کھڑے ہیں جیسے پاکستان میں لوگ کھڑے ہیں۔