کالعدم تنظیموں پر سیلاب متاثرین کے لیے چندہ جمع کرنے پر پابندی

218

لاہور: سپرنٹنڈنٹ آف پولیس سیکورٹی  لاہور کی جانب سے کالعدم تنظیموں پر سیلاب زدگان کے لیے فنڈز اکٹھا کرنے پر پابندی عائد کردی گئی ہے۔

نجی ٹی وی کی رپورٹ کے مطابق 48 کالعدم تنظیموں کی فہرست متعلقہ پولیس افسران کو بھجوا دی گئی ہے،  جس میں کہا گیا ہے کہ کوئی بھی کالعدم تنظیم سیلاب زدگان کے نام پر چندہ جمع کرنے کے لیے کیمپ لگائے تو اس کے خلاف فوری کارروائی عمل میں لائی جائے گی۔

مراسلے میں مزید کہا گیا ہے کہ کالعدم تنظیموں کی ہر قسم کی سرگرمیوں پر حکومت پاکستان کی جانب سے پابندی عائد ہے۔ یہ پابندی انسداد دہشت گردی کےایکٹ اورشیڈول الیون بی کے تحت لگائی گئی ہے۔