پنجاب کے شہر ظفروال میں نالے سے بھارتی بارودی سرنگ برآمد

271

ظفروال: پنجاب کے شہر ظفروال میں نالے سے بھارتی بارودی سرنگ برآمد ہوگئی۔

بم ڈسپوزل اسکواڈ کے مطابق ظفروال میں نالہ ڈیک کنگرہ سے بھارتی بارودی سرنگ برآمد ہوگئی۔بھارتی ساختہ اینٹی ٹینک بارودی سرنگ کا وزن 18 پاونڈ ہے اور یہ بارودی سرنگ سیلابی ریلے میں بہہ کر پاکستانی حدود میں آئی۔

بم ڈسپوزل اسکواڈ نے موقع پرپہنچ کر بروقت کارروائی کرتے ہوئے بارودی سرنگ کو ناکارہ بنا کر تحویل میں لے لیا۔

واضح رہے کہ کچھ روز قبل ظفروال کے نواحی گاں کے قریب نالہ ڈیک میں بھارت سے سیلابی پانی میں بہہ کر آنے والی اینٹی ٹینک مائن پھٹ گئی تھی جس کے نتیجے میں 4 بچے جاں بحق اور 2 زخمی ہوگئے تھے۔