بھارتی ریاست اترپردیش میں محکمے کی جانب سے ناقص خوراک ملنے پر بھارتی پولیس اہلکار پھٹ پڑا۔ سوشل میڈیا پر وائرل ویڈیو میں بھارتی پولیس اہلکار سڑک پر شہریوں کو محکمے کی طرف سے ملنے والا کھانا دکھاتے ہوئے کہہ رہا ہے کہ یہ وہ کھانا ہے جو ہمیں دیا جاتا ہے جسے جانور بھی کھانا پسند نہیں کرینگے۔
ویڈیو میں دیکھا جاسکتا ہے کہ بھارتی اہلکار پلیٹ ہاتھ میں لیے لوگوں کے ہجوم کے درمیان موجود ہے جس میں روٹی اور دال موجود تھی اور اہلکار وہ کھانا شہریوں کو دکھا رہا ہے جبکہ موقع پر موجود سینئر افسران اسے منانے کی کوشش کرتے ہوئے واپس تھانے چلنے کا کہہ رہے ہیں۔
'Government makes us work for 12-12 hours and gives such food in return'
◆ Manoj Kumar, a constable of UP Police posted at Firozabad Headquarters, narrated his agony with tears.@firozabadpolice @Uppolice #zerodha pic.twitter.com/LLAssKWSMY
— Jamidar Ka Chora (@jamidarkachora) August 11, 2022
منوج کمار کا کہنا تھاکہ’ اسے دیے جانے والے کھانے کا معیار اتنا خراب ہے کہ اسے کتے بھی نہیں کھاسکتے جس کی شکایت اس نے اعلیٰ حکام سے بھی کی لیکن اس کی دہائی سننے والا کوئی نہیں بلکہ اس کے برعکس اس پر دباؤ ڈالا گیا‘۔
وائرل ویڈیو میں بھارتی پولیس اہلکار نے کہا کہ جب اس معاملے کی شکایت ڈی جی پی سے کرنے کی کوشش کی گئی تو ان کے پی ایس او نے انہیں فون کاٹنے کا مشورہ دیا بصورت دیگر نوکری سے نکالنے کی دھمکی دی گئی ۔
بھارتی میڈیا کے مطابق منوج کمار 2018 میں پولیس کانسٹیبل بھرتی ہوا اور اس کا تعلق علی گڑھ سے ہے۔