کراچی کے مختلف علاقوں میں تیز ہواؤں کے ساتھ بارش کا سلسلہ شروع

275

کراچی: شہر کے مختلف علاقوں میں تیز ہواؤں کے ساتھ بارش کا سلسلہ شروع ہو گیا ہے۔

سپر ہائی وے اور ملحقہ علاقوں میں وقفے وقفے سے بارش کا سلسلہ جاری ہے۔ اس کے علاوہ ملیر، اسکیم 33، قائد آباد، یونیورسٹی روڈ، گلشن اقبال اور گلستان جوہر میں بھی بارش ہو رہی ہے۔

صدر، آئی آئی چندریگر روڈ، اولڈ سٹی ایریا، کورنگی، لانڈھی، ڈیفنس اور کلفٹن کے مختلف علاقوں میں بھی کہیں تیز اور کہیں ہلکی بارش کا سلسلہ شروع ہو گیا ہے۔

سپر ہائی وے اور ملحقہ علاقوں میں بھی  وقفے وقفے سے بارش کا سلسلہ جاری ہے۔صدر، آئی آئی چندریگر روڈ، اولڈ سٹی ایریا، کورنگی، لانڈھی، ڈیفنس اور کلفٹن کے مختلف علاقوں میں بھی بارش ہوئی۔

نیوکراچی، سرجانی ٹاؤن، نارتھ کراچی، نادرن بائی پاس پر گرج چمک کے ساتھ تیز بارش ہوئی۔ڈیفنس ، گڈاپ ٹاؤن،میمن گوٹھ، بھینس کالونی میں بارش ہوئی۔

محکمہ موسمیات کے مطابق کراچی کے مشرق اور شمال مشرق میں بارش برسانے والے بادل موجود ہیں اور مختلف سمتوں سے معمول سے تیز ہوائیں چل رہی ہیں۔ شہر میں بارش کا سلسلہ 14 اگست تک جاری رہ سکتا ہے اس دوران سمندر میں شدید طغیانی ہوسکتی ہے۔