شعیب اختر کے گھٹنوں کی سرجری کامیاب،6 گھنٹے تک جاری رہی

416

سڈنی: پاکستان کرکٹ ٹیم کے سابق اسپیڈ اسٹار شعیب اختر نے گھٹنوں کی سرجری (Partial knee replacement surgery) کے بعد اسپتال کے بیڈ سے مداحوں کے لیے ایک ویڈیو پیغام شیئر کیا ہے۔

انسٹاگرام پر جاری ویڈیو میں شعیب اختر کا کہنا تھا کہ آپریشن تھیٹر سے باہر آگیا ہوں، 5سے 6گھنٹے کے آپریشن میں میرے دونوں گھٹنوں کی سرجری کی گئی۔

شعیب اختر نے مداحوں کو طبعیت سے آگاہ کرتے ہوئے بتایا کہ تکلیف میں ہوں بس آپ کی دعائیں چاہئیں، امید کرتا ہوں کہ یہ میری آخری سرجری ہو کیوں کہ تکلیف میں ہوں۔

سابق فاسٹ بولر کا کہنا تھا کہ ریٹائرمنٹ کے 11 سال بعد بھی تکلیف میں ہوں، 4، 5 کھیل سکتا تھا لیکن مجھے پتا تھا اگر میں نے کھیلا تو وہیل چیئر پر آجاں گا اس لیے میں نے کرکٹ کو خیر باد کہہ دیا۔

شعیب اختر کا مزید کہنا تھا کہ میں نے اپنے کرکٹ کے کیرئیر میں جو فاسٹ بولنگ کی یہ اس کا نتیجہ تھا کہ میں نے اپنی ہڈیاں کھو دی لیکن کوئی بات نہیں یہ سب پاکستان کے لیے ہے اور اگر مجھے دوبارہ بھی موقع ملے تو میں یہی کروں گا۔