سپریم کورٹ پر حملہ کرنیوالے قبضہ گروپ کو شکست ہوئی، شیخ رشید

راولپنڈی: عوامی مسلم لیگ کے سربراہ شیخ رشید احمد نے سپریم کورٹ کے وزیر اعلیٰ پنجاب سے متعلق فیصلے کے بعد اپنے بیان میں کہا ہے کہ جج صاحبان نے تاریخی فیصلہ دیا ہے۔

انہوں نے کہا کہ فسادی ٹولے نے پرائم منسٹر ہاؤس میں گندی پریس کانفرنس کی جسے مسترد کردیا گیا، سپریم کورٹ پر  حملے کرنے والا قبضہ گروپ شکست سے دوچار ہوا ہے۔

سابق وزیر داخلہ کا کہنا تھا کہ فیصلے پر  پرویز الہیٰ اور عمران خان کی محنت کوسلام پیش کرتا ہوں، عمران خان نے 20 میں سے 15 نشستیں جیت کر آج کی فتح یقینی بنائی ۔