بلاول بھٹو نے منفرد انداز میں آم کی تعریف کرڈالی

541
praised mango

اسلام آباد: وزیر خارجہ بلاول بھٹو زرداری نے پاکستان کی سفارت کاری آم کی طرح میٹھی ہے کہہ منفرد انداز میں آم کی تعریف کرڈلی۔

جمعہ کو مینگو فیسٹیول کی تقریب سے خطاب کرتے ہوئے وزیر خارجہ بلاول بھٹو زرداری نے کہا کہ پاکستانی آم دنیا میں بہترین اور میٹھے ہیں، ہم نے تمام سفیروں اور سفارت خانوں میں آموں کے تحفے بھیجے ہیں۔

بلاول بھٹو کا کہنا تھا کہ ہم چاہتے ہیں کہ عالمی سطح پر ہمارے اس خزانے کی پذیرائی ہو، پاکستان میں آم کے علاوہ بھی پھلوں کی مختلف ورائٹی ہے، ہم پاکستان کے 75 برس کی تکمیل کی خوشی منا رہے ہیں، پاکستان کی سفارت کاری بھی آم کی طرح میٹھی ہے۔