کاﺅنٹی چیمپئن شپ میں پاکستانی کرکٹرز کی شاندار پرفارمنس جاری

233

لندن : انگلش کاﺅنٹی چیمپئن شپ میں پاکستانی کرکٹرز کی شاندار پرفارمنس کا سلسلہ جاری ہے۔ قومی ٹیم کے وکٹ کیپر بیٹر محمد رضوان نے سسکس کی نمائندگی کرتے ہوئے ڈربی شائر کے خلاف پہلی اننگز میں 130اور دوسری اننگز میں ناقابلِ شکست 76رنز بناڈالے۔ رضوان کی اس فتح گر پرفارمنس کی بدولت ہی سسکس کی ٹیم نے ڈربی شائر کو 5وکٹوں سے ہرادیا۔

حریف ٹیم میں شامل شان مسعود بھی خالی ہاتھ نہ لوٹے، انہوں نے دونوں اننگز میں بالترتیب 45اور 37رنز کی اننگز کھیلی۔اسی طرح گلوسٹرشائر کی طرف سے ظفر گوہر نے لنکاشائر کے خلاف 62رنز بنائے جبکہ ایک وکٹ بھی حاصل کی۔دوسری جانب ووسٹرشائر کی طرف سے اظہر علی نے گلیمورگن کے خلاف پہلی اننگز میں 21جبکہ دوسری میں 42رنز بنائے۔