اقوام متحدہ: اقوام متحدہ کے جنرل سیکریٹری انتونیو گوتریس کے ترجما ن نے بھارت میں آلٹ نیوز کے شریک بانی محمد زیبر کی گرفتاری پر ردعمل کا اظہار کرتے ہوئے کہا ہے کہ صحافیوں کی انکی کسی بات یا ٹویٹ کی بنیاد میں جیل میں نہیں ڈالا جانا چاہیے۔
اقوام متحدہ کے جنرل سیکریٹری نے کہا کہ یہ ضروری ہے کہ صحافیوں کو ہراساں کیے جانے کے خطرے کے بغیر آزادانہ طور پر اظہار خیال کا حق حاصل ہونا چاہیے۔
انہوں نے کہا کہ صحافیوں کو کچھ لکھنے، ٹویٹ کرنے اور کچھ کہنے پرجیل میں نہیں ڈالنا چاہیے، دلی پولیس نے صحافی اور فیکٹ چیک سائٹ ‘آلٹ نیوز ‘کے شریک بانی محمد زبیر کو پیر کی شب گرفتار کیا تھا۔
ان کی گرفتاری کے لیے2018 میں ان کی طرف سے کی گئی ایک ٹویٹ کو جواز بنایا گیا ہے۔ انکے خلاف ایف آئی آر میں مذہبی جذبات کو ٹھیس پہنچانے اور دشمنی کو فروغ دینے کے الزامات عائد کیے گئے ہیں۔
واضح رہے کہ محمد زبیر نے حال ہی میں حکمراں جماعت بھارتیہ جنتا پارٹی (بی جے پی) کی معطل ترجمان نوپور شرما کی گستاخانہ ویڈیو پوسٹ کی تھی۔ نوپور شرما کے گستاخانہ بیان کےخلاف مسلمانوںکا شدید ردعمل سامنے آیا تھا۔
