شمالی وزیرستان میں پولیو ٹیم پر فائرنگ، 2  پولیس اہکار جاں بحق

155

دتہ خیل: شمالی وزیرستان میں انسداد پولیو ٹیم پر نامعلوم افراد کی فائرنگ سے 2 پولیس اہلکار اور ایک پولیو ورکر شہید ہوگیا۔

پولیس کے مطابق انسداد پولیو ٹیم پر فائرنگ کا واقعہ شمالی وزیرستان کی تحصیل دتہ خیل میں پیش آیا، جہاں نامعلوم افراد نے پولیو ٹیم کو نشانہ بنایا تاہم سیکورٹی پر معمور دو پولیس اہلکار فائرنگ کی زد میں آکر جاں بحق ہوگئے۔

ریسکیو حکام کا کہنا ہے لاشوں اور زخمیوں کو تحصیل اسپتال دتہ خیل منتقل کردیا گیا ہے۔

شہید ہونے والے پولیس اہلکاروں میں سپاہی دین شاہد اور سپاہی رضاء اللہ شامل ہیں۔

ڈپٹی کمشنرشمالی وزیرستان نے فائرنگ کے نتیجے میں ایک بچے کے بھی زخمی ہونے کی تصدیق کی ہے۔

پولیس کا کہنا ہے کہ واردات کے بعد نامعلوم ملزمان فرار ہوگئے، جن کی تلاش کیلئے علاقے کو گھیرے میں لے کر سرچ آپریشن کیا جارہا ہے۔