قومی ہاکی ٹیم کے سابق کپتان رانا غضنفر علی انگلینڈ کی ٹیم میں منتخب

205

لندن: پاکستان کے سابق ہاکی ٹیم کپتان اولپمپئن رانا غضنفر علی کو انگلینڈ کی ٹیم میں منتخب کرلیا گیا ہے ۔

عارف والا سے تعلق رکھنے والے راناغضنفر علی ایک طویل عرصے سے انگلینڈ میں ہاکی کوچنگ کی ذمہ داریاں نبھارہے ہیں،وہ پہلے پاکستانی ہیں جو ماسٹرز ہاکی ورلڈکپ میں انگلینڈ کی نمائندگی کریں گے، ماسٹر کپ ورلڈ ہاکی ایونٹ بارہ اگست سے اکیس اگست تک نوٹنگھم میں کھیلا جارہاہے۔

ماسٹر کپ ورلڈ ہاکی ایونٹ میں ارجنٹائن، فرانس، جرمنی ، گھانا،سکاٹ لینڈ، جنوبی افریقہ، اسپین، امریکہ، اٹلی، ملائیشیا، آئرلینڈ، آسٹریلیااور ویلز کی ٹیمیں بھی شریک ہوں گی۔

ان دنوں وہ کامن ویلتھ گیمز کی تیاریوں میں مصروف گھانا ہاکی ٹیم کے ہیڈکوچ ہیں، رانا غضفنر علی کا کہناہیکہ پاکستان کے بعد انگلینڈ کی طرف سے ہاکی کھلینا ان کے لیے اعزاز ہوگا، کوشش ہوگی کہ بہترین پرفارمنس دے کر انگلینڈ کی کامیابی میں اہم کردار ادا کروں۔