سری لنکا کی صورتحال ایشیا کپ کیلیے موزوں نہیں،بنگلا دیش

110

ڈھاکا(جسارت نیوز)بنگلا دیش کرکٹ بورڈ کے چیف نظم الحسن نے کہا کہ ایشیا کپ کی میزبانی کے لئے سری لنکا کی صورتحال موزوں نہیں ہے۔ سیاسی بحران اور عدم استحکام کی وجہ سے، سری لنکا کو ہائی پروفائل ٹورنامنٹ کی میزبانی سے انکار کیے جانے کا امکان ہے۔یہ دیکھنا باقی ہے کہ ایشین کرکٹ کونسل کس کو بیک اپ کے طور پر رکھے گی۔کنفیوژن کے درمیان بنگلا دیش کرکٹ بورڈ کے صدر نظم الحسن نے صورتحال پیدا ہونے پر ایشیا کپ کی میزبانی پر آمادگی ظاہر کی ہے۔ایشیا کپ کی میزبانی کے ہنگامی منصوبے کے حصے کے طور پر تیاریوں کے بارے میں، حسن نے کہا کہ بنگلا دیش میں ایشیا کپ کے انعقاد پر بات کرنے کا یہ صحیح وقت نہیں ہے۔بین الاقومی جریدے کو انٹرویو دیتے ہوئے بی سی بی کے چیف نظم الحسن نے کہا کہ سری لنکا مشکل وقت سے گزر رہا ہے، جس کا مطلب ہے کہ ان کا بورڈ بھی اچھی حالت میں نہیں ہے، لیکن ایسا سوال پوچھنے کا یہ صحیح وقت نہیں ہے۔