معیشت کی تباہی کا مجرم عمران خان ہے،  مریم اورنگزیب

151
General elections

اسلام آباد:وفاقی وزیراطلاعات مریم اورنگزیب نے کہا ہے کہ معیشت کی تباہی اور ڈالر کی تاریخی بلند ی کا مجرم عمران خان ہے، پاکستان کو مسائل کی دلدل میں عمران خان نے  دھنسایا ہے۔

مریم اورنگزیب نے کہا کہ آئی ایم ایف کے معاہدے پر عمران صاحب نے دستخط کئے، جس کی سزا عوام کو مہنگائی کی صورت مل رہی ہے، ملک میں چار سال نالائقوں نااہلوں اور عمران مافیا  کی حکومت کی وجہ سے معاشی دہشت گردی کی گئی۔

وفاقی وزیر اطلاعات ونشریات کا کہنا تھا کہ  آج ملک میں معاشی عدم استحکام عمران صاحب کی وجہ سے ہے پٹرول کی مد میں عمران خان نے اپنی ناکام سیاست کو بچانے کے لئے ناقابلِ تلافی نقصان کیا کو آج عوام کو بھگتنے پڑ رہے ہیں آج مشکل فیصلے کئے جارہے ہیں تو اس کے ذمہ دار عمران صاحب ہیں۔