آصف علی زرداری، نواز شریف اور شہباز کرپٹ لوگ ہیں، عمران خان

166

اٹک: چیئرمین پی ٹی آئی  عمران خان نے کہا ہے کہ آصف علی زرداری، نواز شریف اور شہباز کرپٹ لوگ ہیں، ان میں ایک کرپٹ انسان وہ بھی جو 30 برس سے اسلام بیچ رہا ہے،بیرونی سازش سے مسلط کرپٹ لوگوں کو کبھی تسلیم نہیں کریں گے۔

جلسے سے خطاب کرتے ہوئے عمران خان نے کہا کہ جیل جانے اور مرنے سے نہیں ڈرتا لیکن سمجھوتا کسی صورت نہیں کروں گا۔ چوروں، ڈاکوؤں،غلاموں کو قبول نہیں کروں گا تھری اسٹوجس نے بائیڈن  کے ساتھ مل کر حکومت گرائی۔

چیئرمین پی ٹی آئی نے کہا کہ امریکا نےدھمکی دی کہ بمباری کرکے پتھروں کے زمانے میں دھکیل دیں گے امریکا نےمشرف کو کہا ہماری جنگ میں شامل نہ ہوئے تو بم مار دینگے، بدقسمتی سے مشرف نے گھٹنے ٹیک دیئے اور لوگوں کی پرواہ نہیں کی۔