ملک میں کورونا کی پانچویں لہر کے وار کم ہونے لگے 

176

اسلام آباد: ملک میں کورونا کی پانچویں لہر کے وار کم ہونے لگے ۔ ملک میں چوبیس گھنٹے کے دوران ایک مریض جاں بحق ہوا مثبت کیسز کی شرح صفر اعشاریہ چار ایک فیصد ریکارڈ کی گئی۔ پاکستان میں کورونا کے تصدیق شدہ کیسز کی تعداد 15 لاکھ 27 ہزار 751 ہوگئی۔این آئی ایچ کے تازہ ترین اعدادوشمار کے مطابق گذشتہ 24 گھنٹوں کے دوران 82 نئے کیسز رپورٹ ہوئے۔

پنجاب میں 5 لاکھ 5 ہزار 904، سندھ میں 5 لاکھ 76 ہزار 71، خیبرپختونخوا میں 2 لاکھ 19 ہزار 437، بلوچستان میں 35 ہزار 484، گلگت بلتستان میں 11 ہزار 737، اسلام آباد میں ایک لاکھ 35 ہزار 170 جبکہ آزاد کشمیر میں 43 ہزار 308 کیسز رپورٹ ہوئے۔ملک بھر میں اب تک 2 کروڑ 80 لاکھ 28 ہزار 845 افراد کے ٹیسٹ کئے گئے۔

گذشتہ 24 گھنٹوں کے دوران 19 ہزار 846 نئے ٹیسٹ کئے گئے، اب تک 14 لاکھ 93 ہزار 998 مریض صحتیاب ہوچکے ہیں جبکہ 185 مریضوں کی حالت تشویشناک ہے۔پنجاب میں 13 ہزار 560، سندھ میں 8 ہزار 101، خیبرپختونخوا میں 6 ہزار 324، اسلام آباد میں ایک ہزار 23، بلوچستان میں 378، گلگت بلتستان میں 191 اور آزاد کشمیر میں 792 مریض جان سے ہاتھ دھو بیٹھے۔(م۔ا)