لبنان: سابق وزیراعظم سعد حریری سیاست سے دستبردار

186

بیروت (انٹرنیشنل ڈیسک) لبنان کے سرکردہ سیاست دان اور سابق وزیراعظم سعد الحریری نے سیاست سے کنارہ کشی کا اعلان کردیا۔ انہوں نے کہا کہ وہ مئی میں ہونے والے پارلیمانی انتخابات میں حصہ نہیں لیں گے۔ انہوں نے اپنی جماعت کے ارکان سے مطالبہ کیا ہے کہ وہ بھی اس فیصلے پر عمل کریں اور سیاست میں اپنی شرکت معطل کردیں۔ حریری نے کہا کہ ان کے سیاست میں داخل ہونے کے 2مقاصد تھے۔ ایک لبنان میں خانہ جنگی کو چھڑنے سے روکنا اور دوسرا لبنانیوں کو بہترزندگی مہیا کرنا۔ پہلے مقصد میں کامیابی ملی،جب کہ دوسرا مسئلہ خطرناک صورت اختیار کرگیا ہے۔