مقبو ضہ جموں کشمیر میں دستی بم سے حملہ ، تین افراد زخمی

سری نگر: بھارت کے زیر قبضہ جموں وکشمیر میں منگل کے روز سرینگر کے علاقے ہری سنگھ ہائی اسٹریٹ میںنامعلوم حملہ آوروں نے دستی بم سے حملہ کیا جس  کے نتیجے میں ایک خاتون سمیت تین شہری زخمی ہوگئے۔ کشمیر میڈیا کے مطابق ایس ایم ایچ ایس ہسپتال کے میڈیکل سپرنٹنڈنٹ ڈاکٹر کوالجیت سنگھ نے بھی تین افراد کے زخمی ہونے کی تصدیق کرتے ہوئے کہاکہ ان کا علاج کیا جا رہا ہے۔دوسری جا نب قا بض بھارتی سیکورٹی فروسز نے سرینگر کے مختلف علاقوں کو محاصرے میں لے کر گھر گھر تلاشی کی کارروائی شروع کردی ہے ۔