ایف بی آر کا فیصلہ قومی ایئر لائن کی بین الاقوامی سطح پر بھی سبکی کا باعث بنے گا، ترجمان پی آئی اے

374
قومی ایئر لائن کے جہازوں کی نیلامی، 29مارچ کو ہوگئی، پی آئی اے

قومی ایئر لائن نے فیڈرل بورڈ آف ریونیو (ایف بی آر)کے فیصلے پر ردِ عمل میں کہا ہے کہ اکائونٹس کی بندش کا فیصلہ پی آئی اے کی بین الاقوامی سطح پر بھی سبکی کا باعث بنے گا، نجی ٹی وی کے مطابق ایف بی آر کی جانب سے قومی ایئر لائن کے اکائونٹس کی بندش پر ترجمان پی آئی اے نے ایک بیان میں کہا کہ ٹیکس کی مطلوب رقم 2016سے 2020تک کی ہے، جب کہ اس ضمن میں کابینہ کا اصلاحات تک 2016سے 2020کی رقم منجمد رکھنے کا فیصلہ موجود ہے،پی آئی اے ترجمان نے کہا کہ ایف بی آر کی جانب سے اکائونٹ منجمد کرنے کا فیصلہ وفاقی کابینہ کے فیصلے سے متضاد ہے، یہ فیصلہ پی آئی اے کی ساکھ مجروح کرنے کی کوشش ہے، اور یہ اقدام ادارے کی بین الاقوامی سطح پر بھی سبکی کا باعث بنے گا،ترجمان پی آئی اے نے کہا قومی ادارے نے 2021میں 4.7 ارب نامساعد حالات کے باوجود ادا کیے، 2021کے بقایا جات پہلے سے ہی جنوری 2022میں ادا کیے جا رہے ہیں،ایک قومی ادارے ہونے اور حکومت کی ملکیت ہونے کے باوجود ایسا قدم نا قابل فہم ہے۔