کراچی (اسٹاف رپورٹر) پاکستان کے سابق کرکٹر آفتاب بلوچ گزشتہ 5 روز سے کراچی کے نجی اسپتال میں آئی سی ہو میں داخل ہیں۔ نمائندہ جسارت سے بات کرتے ہوئے ان کے دوستوں کا کہنا تھا کہ افسوس کی بات ہے پاکستان کرکٹ بورڈ کا کوئی زمہ دار ان کی عیادت کو نہیں آیا اور نہ ہی پی سی بی نے علاج کے سلسلے میں کوئی مدد کی۔ کرکٹ کے حلقوں نے چیئرمین رمیز راجا سے کہا ہے کہ فوری طور پر آفتاب بلوچ کے علاج کے لیے رقم فراہم کی جائے اور کراچی میں قائم بورڈ ریجنل آفس اس سلسلے میں ان کی فیملی کو اطمینان دلائیں۔ تیمارداری کرنے والے ساتھیوں نے اسپتال کی انتظامیہ کی جانب سے عدم توجہی پر بھی افسوس کا اظہارِ کیا ہے۔
