سینٹ کٹس (جسارت نیوز)آئی سی سی انڈر 19 ورلڈ کپ میں انگلینڈ نے دفاعی چیمپئن بنگلا دیش کو 7 وکٹوں سے شکست دے دی۔ سینٹ کٹس میں کھیلے گئے گروپ اے کے میچ میں بنگلا دیش انڈر 19 ٹیم پہلے بیٹنگ کرتے ہوئے 35.2 اوورز میں 97 رنز بنا کر آئوٹ ہو گئی۔ رپن مونڈل نے 33 رنز بنائے اور آئوٹ نہیں ہوئے، ان کے علاوہ کوئی بھی بنگلا دیشی بیٹر انگلش بولرز کو جم کر نہ کھیل سکا۔ جوشوا بائیڈن نے4 اور تھامس اسپنوال نے2 کھلاڑیوں کو آئوٹ کیا۔ جواب میں انگلینڈ نے مطلوبہ ہدف 25.1 اوورز میں 3 وکٹوں کے نقصان پر حاصل کر لیا۔ جیکب بیتھل نے 44 رنز کی عمدہ اننگز کھیلی۔
